طاهیره قررَتوالعین
http://chuxurlar.blogfa.com/

اصیل آدی زرین­تاج اولان طاهیره قررَتوالعین قزوینلی حاجی موللا سالح­ـین قیزی ایدی. 1819-جو ایلده روحانی عاییله­سینده دوغولوب، تعلیم-تربیت آلمیش، درین بیلیک و ساواد صاحیبی اولموشدور. عرب، فارس و آذربایجان دیل­لرینده موکممل ساواد، تحصیل آلمیش بو قیز، بابی­لرین باشچیسی میرزه محمدعلی بابین تاثیریله همین حرکاتا قوشولموش، سونرالار حتتا بیر نئچه دفعه دؤورونه گؤره مترقی ایجتیماعی چیخیش­لارا، عوصیان­لارا باشچیلیق ائتمیشدیر. 1852-جی ایلده ایران شاهنشاه حؤکومتی طرفیندن اعدام ائدیلمیشدیر.

اوز-اوزه بیرجه آنلیغا قالساق اینان کی، ائی نیگار،
غوصصه غمین نه­دیر تامام، ائیله­یه ره م من آشیکار.

فیرقتین اینجیدیر منی، گؤزلریمین آخیر یاشی،
دجله کیمی، بولاق کیمی سانکی شلاله بی­قرار.

عئشقینی حکك ائدیب حزین، قلب ائوینین قوماشینا،
ساخلامیشام اریش-اریش، بسله­میشه م دامار- دامار.

گؤرمه­یه گول جامالینی، گزمه­دیییم نه یئر قالیب؟
هر طرفی دولاشمیشام، سانکی قانادلی روزیگار.

قلبینی گزدی طاهیره، تاپمادی سندن اؤزگه­سین،
سندین عزیزی مونیسی سویوقلو قیش، حزین باهار.

دئمه­لی بو شعر فارسجایا "گر به تو افتدم نظر چهره به چهره رو به رو" مطله­ییله چئوریلمیش، ایرانلی بسته­کار فریدون فروغی اونا گؤزل بیر ماهنی ایشله­میشدیر.


TAHİRƏ QÜRRƏTÜLEYN

Əsil adı Zərrintac olan Tahirə Qürrətüleyn qəzvinli Hacı Molla Salehin qızı idi. 1819-cu ildə ruhani ailəsində doğulub, təlim-tərbiyə almış, dərin bilik və savad sahibi olmuşdur. Ərəb, fars və Azərbaycan dillərində mükəmməl savad, təhsil almış bu qiz, Babilərin başçısı Mirzə Məhəmmədəli Babın təsirilə həmin hərəkata qoşulmuş, sonralar hətta bir neçə dəfə dövrünə görə mütərəqqi ictimai çıxışlara, üsyanlara başçılıq etmişdir. 1852-ci ildə İran şahənşah hökuməti tərəfindən edam edilmişdir.

Üz-üzə bircə anlığa qalsaq inan ki, ey nigar,
Qüssə qəmin nədir tamam eyləyərəm mən aşikar.

Firqətin incidir məni gözlərimin axir yaşı,
Dəclə kimi, bulaq kimi sanki şəlalə biqərar.

Eşqini həkk edib, həzin qəlb evinin qumaşına,
Saxlamışam əriş-əriş, bəslemişəm damar-damar.

Görməyə gül camalını gəzmədiyim nə yer qalıb?
Hər tərəfi dolaşmışam sankı qanadlı ruzigar.

Qəlbini gəzdi Tahirə tapmadı səndən özgəsin,
Səndin əzizi munisi soyuqlu qış, həzin bahar.

Qaynaq: Azərbaycan qadın şairlər antolojyası, Baki, 2005