باهاييلرين لينچ ائديلمه سي
http://bahai-turk.blogspot.com/

اينقيلاب-ي ايسلامیدن قالان ايکی خاطيره
رسول ماماقانلي
http://mamaqan.persianblog.ir/

پرويز ايله اوغلو خسرو´وو کوچه يه سوروتله ديلر.
شمی بير آن الينده کی ساپی قيسسا بالتانی گؤيه قالديريب وار گوجويله پرويز´ين باشينا چالدی.
بيری خسروو´ون اوستونه يوگوروب بير نئچه يئردن اونو دؤشوندن و قارنيندان پيچاقلادی.
ياری جان خسروو'و ديری-ديری آتاسی ايله بيرليکده اودون ايچينه آتديلار.

جومعه، 24 بهمن، 1382

۲۵ ايل او هيستئريک و جادولانميش، آزادليق گؤرمه ميش، اؤزگورلويو تجروبه ائيله مه ميش خالقين کوچه لره تؤکولوب و ظاليم شاه`ی ايران`ی ترک ائتمه يه مجبور ائيله مه سيندن گئچدی. هر کس اؤز چيخارينا گؤره اونا بير آد وئردی. بيری اونا اينقيلاب-ي پورشوکوه، بيری فيتنه، بيری رحمت-ي ايلاهی بيری قييام-ي توده ها و... دئدی.

ايگيرمی بئش ايل بو بؤيوک ده ييشيمه دن گئچدی و ايندی اوزاقدان باخانلار او زامانين اويونچولاريندان داها ياخجی اولان-بيته نی گؤره بيله رلر. منيم قصديم بو قيسسا يازيدا او تحوولو ده يه رله نديرمک دئييل. يالنيز ايکی خاطيره نی قئيد ائتمک ايستيره م.

بيرينجی خاطيره: توفارقان (آذرشهر)- قتل عام و شقه شقه كردن ٢٩ پليس

ژورناليست اينصافعلی هيدايت ( Hedayat222@yahoo.com )کی بو گونلر ايسلام زيندانلاريندا ساخلانيلير، «انقلابی می رسد از راه...» مقاله سينده بئله يازير: «... يكي از بارزترين كشتار جمعي اعضاي پليس، ماجراي قتل عام و شقه شقه كردن (اعضاي جديد و با سابقه) پليس آذرشهر در نزديكي تبريز بود. در اين شهر، در عرض چند ساعت، حدود 29 پليس را شقه شقه كردند. با آنكه اكثر آن ها، كمترين مشكل را با مردم آذرشهر داشتند و همه مردم، آن پليس ها را مي شناختند.»

اوگونکو گون من گوگان´دان يولداشلارلا گؤروشوب دانيشديقدان سونرا٬ ماماغان´ا دؤنمکده ايديم. گوگان-توفارقان (آذرشهر) يولوندا، توفارقان´ين شولوغ اولدوغونو ائشيتديم. شهه ره گيرديييمده ايکيندی واقتیيدی. شهه ر چوخ ساکيت ايدی. قورخو ايله حوزنون قاريشيغی بير هاوا واريدی، قبير اوستوندن دؤنه ن کيمی و يا عاشورا آخشاملاری کيمی بير حال. اصلی خيياواندا بير آز يئريديکدن سونرا نئچه اوشاغی گؤردوم. اوشاقلارين بيرينين الينده اوزون بير چؤپ واريدی. قنووون قيراغيندا قاچيب دوروردولار٬ هردم ده چؤپو سويا سوخوردولار. ياديمدا قالماييب نه اولدو کی من ده قنووا ياخينلاشديم. اوشاقلار هاميسی بيردن منه : باخ، باخ بو ... پاسبانين قارنیدی، دئديلر. قنووون قارا٬ کيفير سويو بير پارچا آغ درينی اؤزوینه ن آپاريردی...

ايکينجی خاطره: قوشا چای (مياندواب) باهاييلرين لينچ ائديلمه سي

قوشا چايلی يازيچی فرامرز پورنوروز « سالهای سخت» کيتابيندا اؤز گؤزويله شاهيدی اولموش اينقيلاب زامانيندا باش وئره ن بير فاجيعه نی بئله آنلاتير.( بوردا گله ن چوخ قيسسا و يالنيز بير بؤلومدور. رسول) :

« ...پرويز برقکار`ی من اوشاقليقدان بری تانيرديم. اوغلو خوسروو فوتباليست ايدی، اونا باهايی خوسروو دا دئيرديلر... او گون ائوده اوتورموشدوم، هر يئرده تظاهورات واريدی. قارداشيم نفس-نفس ووراراق تله سيک ايچه ری گيردی. دئديم: اولان نه بو حال؟ دئدی: تئز اول! بير عيدده پرويزگيلين قاپيسينا ييغيشيب باهايیلر علئيهينه شوعار وئرير.... تئز، کوتومو گؤتوردوم، چيخديم..... محلله آغ ساققالی حاجی اشراقی باشينا توپلانان جماعته يالواريردی:« ايشيز اولماسين، بلکه سون آندا موسلمان اولدولار و...». آمما خالقين باشی ائئله قيزيشميشدی کی هئچ بير سؤزو دويموردو....

گؤزوم بيردن شمي´يه ساتاشدی. اصلی آدی شمس الله اولان شمی´نين آغزی کؤپوکله نميشدی. «يا مئهدي» باغيريردی. شمی پيچاق چکه ن، لات، اوغرو، خالقين دام دووارينا ديرمانان، محررمده هامیدان اوول باش ياران، خولاصه ننه سينين امجه يين کسه نلرين رهبرييدی. جماعت بير آللاه اکبر دئيب حه يه ط قاپيسيني زورلا آچيب ايچه ری گيردی. کوچه ده دوران ميللت يالنيز تاماشا ائيليردی. کيمسه موهاجيملرين قاباغينا گئتمه يه جسارت ائتميردی. آز سونرا بير گول.له سسی گلدی. ائيله بير کی پرويز تپه نچه سی ايله هاوايا بير ال آتش آچميشدی. موسلمانلار، اونلارا ماجال وئرمه ييب توتدولار.

پرويز ايله اوغلو خسروو´و کوچه يه سوروتله ديلر. شمی، اوستا بير رهبر کيمی فاجيعه نی هيدايت ائیليردی. ...شمی بير آن الينده کی ساپی قيسسا بالتانی گؤيه قالديريب وار گوجويله پرويز´ين باشينا چالدی. پرويز´ين باشی قارپيز کيمی پارچالاندی و قيزيل قانی اطرافا فيشقيردی. ... الی پيچاقلی قارا پالتارلی بيری، خسروو´ون اوستونه يوگوروب بير نئچه يئردن اونو دؤشوندن و قارنيندان پيچاقلادی. موهاجيملردن بير تئعدادی شورا گليب يا مئهدی، يا مئهدی باغيريردی. ...بير آز سونرا ماشين تکه رلريني گتيريب اودلاديلار. ...ياری جان خسروو´و ديری-ديری آتاسی ايله بيرليکده اودون ايچينه آتديلار. خسروو سون گوجونو بير يئره ييغيب اؤزونو ائشييه آتدی. آمما نه فايدا، گئنه ده نئچه نفر اونو توتوب باشی اوسته آلوولارين ايچينه آتديلار...»

و بو قارا باسمانين هله ده داوامی وار...